Web orri honek cookie-ak erabiltzen ditu

Cookie-ak testu-fitxategi txikiak dira, eta webguneek erabil ditzakete erabiltzailearen esperientzia eraginkorragoa izan dadin. Legeak dio cookie-ak bere gailuan gorde ditzakegula, orrialde honen funtzionamendurako behar-beharrezkoak badira. Beste cookie mota guztietarako zure baimena behar dugu. Zure cookie-ak ezabatu nahi badituzu eta gune hau edozein unetan erabiltzeari utzi nahi badiozu, sartu webgune honetako cookie-en orrian edo itxi nabigatzailea.

Lor ezazu informazio gehiago nortzuk garen, nola jar zaitezkeen harremanetan eta nola prozesatzen ditugun datu pertsonalak gure pribatutasun-politikan.

Webgune honetako cookie-ak edukia pertsonalizatzeko erabiltzen dira. Beharrezkoak diren cookie-ak baino ez ditugu erabiltzen, web orri erabilgarria egiten laguntzen digutenak, oinarrizko funtzioak aktibatuz, hala nola nabigazioa eta eremu seguruetarako sarbidea. Web-orriak ezin du behar bezala funtzionatu cookie horiek gabe.

Izena Hornitzailea Helburua Iraungitzea Mota
sesionid www.escuelademusicaorreagamusikaeskola.com Gorde erabiltzaileen egoerak erreserbatutako eremuko eskaeretan. Session HTTP
hidecookie www.escuelademusicaorreagamusikaeskola.com Ezkutatu popup hau. Gure cookien orrian sartu ahal izango zara berriro. Session HTTP
CONSENT youtube-nocookie.com Previene youtube haga tracking si no ves los videos Session HTTP
»
 

Musika Eskola, Nortzuk Gara?

image Orreaga Musika Eskola Garraldan sortu zen 80.ko hamarkadako erdialdean. Zentroa hazten joan zen gutxinaka eta 40 ikaslerekin hasi zenak gaur egun 600 matrikula inguru ditu, baita 21 irakaslek osaturiko plantilla ere.

Helbide soziala Garraldako herriko Eskualdeko “Orreaga” Eskolako eraikuntzan kokatuta dago, baina zentro horretaz gain Artikako Kultur Etxean, Zubiriko Eskola Publikoan, Ollokiko Gizarte Etxean eta Auritzberriko kontzejuan ere klaseak ematen dira, guztietan zerbitzu bera eskaintzen delarik.

image

Bere filosofia izaera landatarreko eskola IBILTARIA izatea da.
Eskolak adin, haur eta pertsona heldu guztiei irekita dagoen formakuntza musikala eskaintzen du. Gure programak iniziazio musikala, (4 urtetik aurrera), ahozko zein instrumentuko diziplina desberdinak eta ikasketa profesional zein helduen ikaskuntzari zuzenduriko formakuntza biltzen ditu. Horrez gain, taldeko, abesbatzako eta teknologia musikal desberdineko musika mota ezberdinak barne hartzen ditu.

Orreagak “konboen“, instrumentu elektrikoen eta jazz pianoaren eskutik musika modernoa ere eskaintzen du. Horrez gain, folklorearen esparruko gaita, trikitixa eta txistua bezalako instrumentuak ere irakasten ditu.
Horretarako, musikalki aktibo dauden irakasleez osaturiko talde handia dugu, beraien garapen profesionalaz kezkatzen direnak eta pedagogia aktiboari buruzko metodo berrien esparruan birziklatzen dabiltzanak.
Inplikatutako udaletxeek eta Nafarroako Gobernuak urte hauetan zehar lan garrantzitsua egin dute auzokide guztien zerbitzura.
Horregatik, Musika Eskola biltzen dituen zonalde ezberdinei errotuta dagoen instituzioa da, beti hezkuntzaren eta kulturaren zerbitzura dagoena eta hau integratzen duten herri desberdinetako biztanleen topagune baliagarria suposatzen duena. Horrela, identitate eta harrotasuneko elementu nabarmen bihurtu da.

image Eta denon konpromezuari esker (udaletxeak, irakasleak, ikasleria eta familiak) ikasturtean zehar musikari loturiko kultura ekitaldi anitzez osatutako era askotariko agenda programatzen da, modu horretan musika ekintzaren bidez kultura sustatzearen helburua behar bezala betetzen delarik.

Azkenik, Eskola gure prestakuntza ikastaroak ahalik eta jende kopuru handienaren eskura jartzen saiatzen da, matrikulen tasen prezio moderatuak mantenduz.

Zentzu honetan, kalitatezko heziketa musikala eskainiz ikasleria berriari ongi etorria emateko konpromezua hartzen dugu.

Helburuak

image image Orreaga Musika Eskolako **helburu nagusia** ikasleria kalitatezko musika **Heziketa eta Formakuntza malgu eta pertsonalizatu**az hornitzea da.

Ikasleria hezi eta motibatzea, horrek musikaz goza dezan. Ikasleriari musikari amateurrak izateko formakuntza eskaintzea, ikasketa musikal profesionalak jarraitzeko trebetasuna eta interesa erakusten duen ikasleria sustatuz. Testuinguru honetan, gure irakasleek beren irakaskuntza ikasleriaren erritmo, izate, gaitasun eta aukeretara moldatzen dute.

Abenduaren 21eko 421/1992 Foru Dekretuaren arabera, “Orreaga” Musika Eskolak helburu hauek ditu:

  1. Musika orokorrean biztanleria osoaren artean hedatzea, hezkuntza eskaintza eskolako ingurunearen aniztasun, egoera eta beharrera moldatuz. Irakaskuntza funtsean praktikoa da, errendimendu bateratuari laguntza eskaintzen diona.
  2. Musika ekintzaren bidez kulturari bultzada ematea, ikasleriarentzat proiekzio marku baliagarria izanez eta modu horretan horri ikasgeletan aurrera eramandako irakaskuntzak praktikan jarri zein horiek osatzeko aukera emanez. Ekintza musikal eta kultural honi zuzenduriko interes eta inplikazio sozial handia motibatzea, bizilagunen artean kontzientzia parte hartzailearen sormenari bide emanez.
  3. Orreaga Musika Eskola osatzen duten herri desberdinetako bizilagunentzat topagune izatea.
  4. Haurren artean iniziazio musikala indartzea, baita gaitasuna eta beren ikasketa musikal profesionalekin jarraitzeko interesa erakusten duten haurrei bultzada ematea ere.
  5. Musikaren esparruan arauturik gabeko formakuntza eskaintzea, izaera praktikokoa eta taldeko musika sustatzen duena. Arauturiko musika irakaskuntza kontserbatorioetan irakasten da.
  6. Oinarrizko eskaintza honakoan oinarrituko da:
    1. Praktika instrumentala.
    2. Instrumentalaren osagarria den formakuntza musikala.
    3. Ahozko zein instrumentuko taldeak.
    4. Modu berezian adin goiztiarraren garapen musikala baloratzea. Musika eta mugimendua.